Kulturhistorisk vandring

Søndag 20.08.2017 kan du vere med på vandring langs den gamle ferdavegen på den veglausa sida av Åkrafjorden (Nordsidemarsjen ca 5 km, NY TRASÉ).

I år går me ei ny rute, frå Djuve til Eintveit. Strekninga er ca 5 km.

Turen startar kl 11.00 med eit lite cruise ombord på MS Stein Viking frå Teigland og inn fjorden til Djuve. På Djuve besøkjer me den gamle saga og får høyre om historia til garden og om båtbyggaren Lars T. Djuve. Deretter byrjar me på vandringa på den gamle ferdavegen, som var den gamle skulevegen på nordsida av Åkrafjorden. Det er lurt å ta vasstette sko ettersom det er nokre bekker som må kryssast og det er bløtt i bakken. Når me ankjem Eintveit, besøkjer me brua over Eintveitelva - ei bru så solid og brei at to bilar kan passera, men utan bilveg på nokon av sidene. Brua var starten på vegprosjektet Kalvik - Eikemo, som dessverre aldri blei ferdigstilt.
Vel framme på Eintveit trekkjer me inn i løa, der det blir servering av rømmegraut og lokal spekemat, samt litt musikk og underhaldning av Tysvær Trekkspelklubb. Både mat og konsert er inkludert i prisen for turen.

Me avsluttar turen med ein liten gåtur ned til kaien på Eintveit, der me blir henta av MS Stein Viking ca kl 16.30 og skyssa over til Teigland igjen.

Ta kontakt dersom du kun ønskjer å vere med på mat og konsert.

Vel møtt til ein kjekk og innhaldsrik tur på nordsida!

Avgang: 11.00 frå Teigland kai  
Retur: 16.30 frå Eintveit kai
Pris med eller utan vandring: kr 400,-

NB! Oppmøte før turen blir i turistinformasjonen på Åkrafjordtunet. Møt opp der for registrering seinast kl 10.45. Me går samla ned til Teigland Kai.

Høydepunkt

- Båttur inn fjorden
- Saga på Djuve
- Brua over Eintveitelva
- Musikk og underhaldning
- Lokal mat

Reiserute

  1. Teigland kai
  2. Djuve
  3. Eintveit
  4. Teigland kai